İnsayderlər bu il təqdim olunacaq iPhone 15 smartfon seriyası barəsində məlumat verməyə davam edirlər. Bu dəfə iPhone 15 Pro Max-ın kameralarını əhatə edən məlumat təqdim edilib. İnsayderlərin sözlərinə əsasən sözügedən smartfon eksklüziv olaraq periskop kamera obyektivi ilə təchiz olunacaq. Hələ bir neçə müddət bundan öncə məşhur analitik Ming-Chi Kuo təsdiqləmişdi ki, periskop kamera obyektivi sayəsində iPhone 15 Pro Max-ın əsas kamerası çəkiliş zamanı 5-6 qat optik zoom-u təmin edə biləcək.

    Qeyd etmək lazımdır ki, hal hazırda aktual olan iPhone 14 Pro ilə iPhone 14 Pro Max-ın əsas arxa kamerası yalnız 3 qat optik zoom-u təmin edə bilir. Fotoların çəkilişi zamanı isə optik zoom rəqəmsal zoom-dan fərqli olaraq yaxınlaşdırma anında bulanıq effektini yaratmır. Qeyd etmək lazımdır ki, periskop kamera obyektivləri artıq uzun zamandır ki, Samsung, Google və Huawei smartfonlarında istifadə edilir. Sözügedən şirkətlərin smartfonlarında periskop kamera obyektivi 5-10 qat optik zoom-u təmin edir.