Lenovo dəyişdirilə bilən portlara sahib ThinkBook konseptini göstərdi

    Technote.az "The Verge” platformasına istinadən bildirir ki, Lenovo MWC 2026 sərgisində qeyri-adi noutbuk konsepti ilə diqqət çəkib. Rəsmi adı ThinkBook Modular AI PC Concept olan bu model həm modul port sistemi, həm də çıxarıla bilən ikinci ekranı ilə seçilir.

    Bu 14 düymlük noutbukda iki ədəd dəyişdirilə bilən (plug-and-play) port mövcuddur. Lenovo nümayiş zamanı USB-C, USB-A və HDMI variantlarını göstərib. Portlar M.2 interfeysi vasitəsilə noutbuka qoşulur və asanlıqla çıxarılıb yenisi ilə əvəz edilə bilir. Şirkət hətta portları daşımaq üçün kiçik xüsusi qutu da təqdim edib Bu yanaşma modul ekosistemi ilə tanınan Framework noutbuklarını xatırlatsa da, Lenovo-nun sistemi USB-C deyil, M.2 əsaslıdır. Bundan əlavə, cihazda şarj və ikinci ekran üçün istifadə olunan bir sabit USB-C port da var.

    Konseptin ən diqqətçəkən xüsusiyyəti maqnitlə qapağın arxasına bərkidilən ikinci 14 düymlük ekrandır.

    İkinci ekran çıxarıla bilir və USB-C vasitəsilə qoşularaq ayrıca istifadə edilə bilər. Hətta klaviatura və trekpad hissəsi çıxarılaraq yerinə ikinci ekran yerləşdirilə bilir. Bu halda noutbuk tamamilə iki ekranlı formaya keçir və klaviatura Bluetooth vasitəsilə qoşulur. Bu isə Asus Zenbook Duo modelinə bənzər istifadə ssenarisi yaradır.

    Konsept model aşağıdakı spesifikasiyalarla təqdim olunub:

    Bütün bu güclü texniki göstəricilərə baxmayaraq, cihaz cəmi 33Wh batareya ilə təchiz olunub. Bu göstərici hətta 13 düymlük MacBook Air modelindən də xeyli aşağıdır. Üstəlik, iki yüksək keyfiyyətli 4K OLED ekranın enerji tələbatı nəzərə alınarsa, batareya ömrü ciddi sual doğurur. Hazırkı incə və yüngül dizayn (thin-and-light) konsept mərhələsində qalarsa, real istifadə zamanı enerji performansı zəif ola bilər. Lakin Lenovo gələcək versiyada daha böyük batareya və ya daha enerji-effektiv çip istifadə edərək vəziyyəti dəyişə bilər.