Lenovo Legion Go 2 SteamOS ilə gəlir

    Technote.az “The Verge” platformasına istinadən bildirir ki, bir il əvvəl Lenovo Valve-dan sonra SteamOS-la çalışan ilk əl konsolunu təqdim edən şirkət olmuşdu. Bu model Legion Go S idi və yüksək qiyməti ilə batareya ömrünə görə “Steam Deck qatili” sayılmasa da, performans və rahatlıq baxımından vacib addım kimi dəyərləndirilmişdi.

    İndi isə Lenovo bu xətti davam etdirir və SteamOS-u flaqman modeli olan Legion Go 2-yə gətirir. CES 2026 sərgisində açıqlanan məlumata görə, SteamOS-la çalışan Legion Go 2 iyun ayından etibarən satışa çıxacaq və başlanğıc qiyməti 1 199 dollar olacaq. Texniki xüsusiyyətlər Windows versiyası ilə eyni qalır. Təkcə Windows-dan SteamOS-a keçid belə performans baxımından nəzərəçarpacaq üstünlüklər verə bilər. Legion Go 2-ni premium edən əsas məqam isə yalnız AMD Z2 Extreme çipi deyil. Hazırda bazarda dəyişən yenilənmə tezliyinə (VRR) malik OLED ekrana sahib yeganə portativ konsoldur. Bundan başqa, planşet kimi istifadə oluna bilməsi, güclü dayaq ayağı, rahat və çıxarıla bilən simsiz kontrollerləri ilə seçilir. Kontrollerlərdən birində masa üzərində istifadə üçün xüsusi FPS tipli siçan da mövcuddur.