Mac istifadəçiləri üçün fürsət: Microsoft Office paketi ömürlük cəmi 59.97 dollara
Technote.az “Mashable” platformasına istinadən bildirir ki, Microsoft Office Home and Business 2021 paketinin ömürlük lisenziyası hazırda cəmi 59.97 dollara təklif olunur. Bu isə hər tətbiq üçün 10 dollardan da az qiymət deməkdir. Kampaniya aprelin 12-dək qüvvədədir. Bu paket Mac cihazınızı daha məhsuldar iş alətinə çevirə bilər. Dəstə daxil olan 6 əsas tətbiq həm iş, həm təhsil, həm də şəxsi istifadə üçün geniş imkanlar təqdim edir.
Paketə aşağıdakı tətbiqlər daxildir:
- Microsoft Word – sənədlərin hazırlanması və redaktəsi üçün
- Microsoft Excel – cədvəllər və maliyyə hesablamaları üçün
- Microsoft PowerPoint – təqdimatların hazırlanması üçün
- Microsoft Outlook – e-poçt və iş yazışmalarının idarəsi üçün
- Microsoft OneNote – qeydlərin təşkili üçün
- Microsoft Teams – komanda və onlayn ünsiyyət üçün
Ən önəmli məqam isə odur ki, bu lisenziya abunə əsaslı deyil. Yəni aylıq və ya illik ödəniş etmədən tətbiqlərdən ömürlük istifadə mümkündür. Satınalmadan dərhal sonra yükləmə imkanı təqdim olunur və proqramlar oflayn rejimdə də işləyir. Qeyd etmək lazımdır ki, paketdən istifadə üçün Mac cihazınızın minimum macOS 14 və ya daha yeni versiya ilə işləməsi tələb olunur.
Paylaş
