Microsoft AR cihazı HoloLens 2-nin istehsalını dayandırıb
Microsoft şirkəti özünün HoloLens 2 adlı AR cihazının istehsalını dayandırdığını elan edib. Verilmiş məlumata əsasən Microsoft gələcəkdə HoloLens-in növbəti versiyalarını hazırlamağıə planlaşdırmır. Bu isə o deməkdir ki, şirkətin bu kateqriyaya daxil olan cihazlar seriyası sona çatdı. Microsoft öz müştərilərinə və partnyorlarına xəbər verib ki, bu, HoloLens 2-ni əldə etmək üçün son şansdır.
Bununla belə şirkət bildirib ki, cihazın istehsalının dayandırılmasına baxmayaraq onun üçün təhlükəsizlik istiqamətində yenilənmələr 2028-ci ilə qədər təqdim ediləcək. Birinci nəsil HoloLens-in dəstəyi isə bu ilin 10 dekabr tarixində dayandırılacaq. HoloLens 2-nin istehsalının dayandırılması heç də təəccüblü bir xəbər olmayıb. Belə ki, Microsoft hələ 2022-ci ildə HoloLens 3-ün hazırlanmasından imtina etmişdi. Qeyd etmək lazımdır ki, 2019-cu ildə satışa çıxarılmış HoloLens 2 əsasən şirkətin korporativ müştəriləri üçün nəzərdə tutulmuşdu. Bu səbəbdən də o, kütləvi şəkildə satışa çıxmadı.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
