
MSI MAG 255PXF gaming monitoru təqdim edilib
Cihazlar+
28.10.2024
Emil
MSI şirkəti özünün MAG gaming monitor seriyasının yeni modelini təqdim edib. Şirkətin yeni monitoru MSI MAG 255PXF adlanır. Beləliklə bu yeni monitor 180 Hz-lik təsvir yenilənməsinə sahib 1920x1080 piksel keyfiyyətli 25 düym ölçülü Rapid IPS ekranla təchiz olunub. Qeyd etmək lazımdır ki, ekranın təsvir yenilənməsi göstəricisini 300 Hz-ə kimi yüksəltmək mümkündür. Ekranın maksimal parlaqlıq səviyyəsi 250 nit, istifadəçi əməliyyatlarına reaksiya müddəti isə 0.5 millisaniyə təşkil edir. Ekran üstəlik HDR dəstəklidir və özündə AdaptiveSync texnologiyasının dəstəyini birləşdirir. Monitor HDMI 2.0, DisplayPort 1.4 girişlərinə və naqilli qulaqlıqlar üçün nəzərdə tutulmuş 3.5 mm-lik audio girişə sahibdir. MSI MAG 255PXF-nın nə zaman və hansı qiymətə satışa çıxacağı hələ açıqlanmayıb.

Paylaş
Ən çox oxunanlar

REDMI Turbo 4 Pro subflaqman smartfonu təqdim olunub - QİYMƏTİ
