MSI MAG 274QRF-QD E2 adlı yeni gaming monitor təqdim edilib - QİYMƏTİ

Cihazlar+

21.12.2023

Emil

MSI şirkəti özünün MAG adlı gaming monitorlar seriyasının yeni modelini təqdim edib. Təqdim edilmiş yeni gaming monitor MSI MAG 274QRF-QD E2 adını əldə edib. Beləliklə sözügedən monitor 180 Hz-lik təsvir yenilənməsinə sahib Quad HD (2560x1440 piksel) keyfiyyətli 27 düym Rapid IPS ekranla təchiz olunub. Ekranın maksimal parlaqlıq səviyyəsi 400 nit təşkil edir. Bununla yanaşı ekran DCI-P3 rəng diapazonunun 98%-ni, sRGB rəng diapazonunun 150%-ni və AdobeRGB rəng diapazonunun 94%-ni əhatə edir. Monitor özündə HDMI, USB-C və DisplayPort girişlərini birləşdirir. USB-C girişlərindən biri vasitəsilə digər cihazları şarj etmək mümkündür. Bunun üçün həmin USB-C girişi 65 vatt çıxış gücünə sahibdir. MSI MAG 274QRF-QD E2 yaxın günlərdə Çin bazarında 220$ qiymətində satışa çıxacaq. Monitorun digər regionlarda satılıb-satılmayacağı bilinmir.

Paylaş

msi

msi mag 274qrf-qd e2

Bənzər xəbərlər