MSI MAG 27CQ6PF gaming monitoru təqdim edilib - QİYMƏTİ
MSI şirkəti özünün MAG seriyasının yeni gaming monitorunu təqdim edib. Təqdim edilmiş yeni monitor MSI MAG 27CQ6PF adlanır. Beləliklə MSI şirkətinin bu yeni gaming monitoru 180 Hz-lik təsvir yenilənməsinə sahib Quad HD keyfiyyətli 27 düym VA ekranla təchiz olunub. Ekranın maksimal parlaqlıq səviyyəsi 300 nit təşkil edir. Bununla yanaşı ekran sRGB rəng diapazonunun 105%-ni, DCI-P3 rəng diapazonunun 80%-ni və Adobe RGB rəng diapazonunun 80%-ni əhatə edir. Üstəlik ekran Adaptive-Sync texnologiyasının dəstəyinə sahibdir. MSI MAG 27CQ6PF özündə HDMI 2.0, DisplayPort 1.4, USB girişlərini və naqilli qulaqlıqlar üçün nəzərdə tutulmuş 3.5 mm-lik audiogirişi birləşdirir. Monitor artıq ABŞ bazarında 189$ qiymətində satışa çıxıb. Müəyyən müddətdən sonra monitor digər regionlarda da satılacaq.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
