MSI MAG 321CUPDF gaming monitoru təqdim edilib - QİYMƏTİ

Cihazlar+

12.12.2024

Emil Nəcəfov

MSI şirkəti öz yeni gaming monitorunu təqdim edib. Şirkətin yeni gaming monitoru MSI MAG 321CUPDF adlanır. Bu yeni monitor digərlərindən iki rejimdə çalışmağı ilə fərqlənir. Rejimlər öz aralarında təsvir yenilənməsi göstəricisi və görüntü keyfiyyəti ilə fərqlənirlər. Belə ki, monitor birinci rejim çərçivəsində 160 Hz-lik təsvir yenilənməsini və 4K görüntü keyfiyyətini, ikinci rejim çərçivəsində isə 320 Hz-lik təsvir yenilənməsini və Full HD görüntü keyfiyyətini təmin edir.

Monitor 31.5 düym ölçülü VA ekranla təchiz olunub. Ekranın maksimal parlaqlıq səviyyəsi 350 nit, istifadəçi əməliyyatlarına reaksiya müddəti isə 0.5 millisaniyə təşkil edir. Ekran 10 bit-lik rəngləri dəstəkləyir və DCI-P3 rəng diapazonunun 97%-ni, Adobe RGB rəng diapazonunun isə 93%-ni əhatə edir. Monitor özündə DisplayPort 1.4a, HDMI 2.1, USB Type-C girişlərini birləşdirir. MSI MAG 321CUPDF artıq Çində satışa çıxıb. Lakin monitor yaxın zamanda Avropada da satışa çıxacaq və onun qiyməti 649 avro təşkil edəcək.

Linki kopyala

msi

msi mag 321cupdf