
MSI MPG 271QR QD-OLED X50 gaming monitoru təqdim edilib - QİYMƏTİ
MSI şirkəti öz yeni gaming monitorunu təqdim edib. Şirkətin yeni gaming monitoru MSI MPG 271QR QD-OLED X50 adlanır. Bu monitor yüksək təsvir yenilənməsi ilə seçilir. Beləliklə MSI MPG 271QR QD-OLED X50 monitoru 500 Hz-lik təsvir yenilənməsinə sahib 2560x1440 piksel keyfiyyətli 26.5 düym ölçülü QD-OLED ekranla təchiz olunub. Ekranın maksimal parlaqlıq səviyyəsi 1000 nit, istifadəçi əməliyyatlarına reaksiya müddəti isə 0.03 millisaniyə təşkil edir.

Ekran 10 bit-lik rəngləri dəstəkləyir və sRGB rəng diapazonunun 138%-ni, DCI-P3 rəng diapazonunun 99%-ni, Adobe RGB rəng diapazonunun isə 98%-ni əhatə edir. Monitor özündə HDMI 2.1, DisplayPort 2.1a, USB-A, USB-B, USB-C girişlərini və naqilli qulaqlıqlar üçün nəzərdə tutulmuş 3.5 mm-lik audiogirişi birləşdirir. USB-C girişi vasitəsilə digər cihazları şarj etmək mümkündür. Bunun üçün o, 98 vatt çıxış gücünə sahibdir. MSI MPG 271QR QD-OLED X50 yaxın günlərdə Çində satışa çıxacaq və onun qiyməti 974$ təşkil edəcək. Monitorun digər regionlarda satışa çıxıb-çıxmayacağı bilinmir.
Paylaş