MSI Star Shadow 14 Air gaming noutbuku təqdim edilib - QİYMƏTİ

Cihazlar+

01.02.2024

Emil Nəcəfov

MSI şirkəti Çində yeni gaming noutbukunu təqdim edib. Şirkətin yeni gaming noutbuku MSI Star Shadow 14 Air adlanır. Beləliklə sözügedən yeni gaming noutbuku 144 Hz-lik təsvir yenilənməsinə sahib 1920x1200 piksel keyfyyətli 14 düym ekranla təchiz olunub. Ekran sRGB rəng diapazonunun 100%-ni əhatə edir. MSI Star Shadow 14 Air iki versiyada təqdim olunub. Onlar öz aralarında prosessor və videokart modeli ilə fərqlənirlər. Birinci versiya Intel Core i5-13420H prosessoru vasitəsilə çalışır və özündə NVIDIA GeForce RTX 4050 videokartını birləşdirir.

İkinci versiyaya gəldikdə isə o, Intel Core i7-13620H prosessoru vasitəsilə çalışır və özündə NVIDIA GeForce RTX 4060 videokartını birləşdirir. Bununla belə hər iki versiya DDR5 standartlı 16 GB RAM və 512 GB-lıq SSD ilə təchiz olunub. Bununla yanaşı noutbuk yarı şəffaf materialdan hazırlanmış yüngül gövdəyə sahibdir. Onun çəkisi 1.6 kq, qalınlığı isə 18.6 mm təşkil edir. MSI Star Shadow 14 Air-i artıq Çində ön sifariş etmək mümkündür. Core i5-13420H və GeForce RTX 4050-yə sahib versiya 844$-a, Core i7-13620H və GeForce RTX 4060-ya sahib versiya isə 943$-a satılır.

Linki kopyala

msi

msi star shadow 14 air