Mütəxəssislər Apple Vision Pro-nu hissələrə ayırıblar (VİDEO)

Cihazlar+

05.02.2024

Emil

Apple şirkətinin Vision Pro adlı qarışıq reallıq (AR + VR / Mixed Reality) cihazı artıq rəsmi olaraq satışdadır. iFixit saytının mütəxəssisləri isə Vision Pro-nu əldə edərək onu hissələrə ayırıblar. Nəticədə cihazın daxili konstruksiyası ilə yaxından tanış olmaq mümkün olub. Məlum olub ki, Vision Pro-nun ekranı bir neçə qoruyucu şüşə layına sahibdir. Birinci lay cihazın xaricində ön hissədə yerləşir. İkinci lay isə birincinin altındadır. İkinci laydan sonra məhz ekran gəlir. Cihazın ekranı qeyri-adidir və linzalar ilə əhatə olunub.

Həmin linzalar kənar şəxs üçün Vision Pro istifadəçisinin gözlərinin 3D effektlərini yaratmağa imkan verirlər. Mütəxəssislər bildiriblər ki, ekrandan öncə gələn xarici şüşə laylarını zədələmədən onları ayırmaq ya çox qəlizdir ya da ümumiyyətlə mümkün deyil. Cihazda çoxlu sayda naqilin və komponentlərin olduqlarını nəzərə alsaq onun hissələrə ayrılması prosesinin növbəti mərhələləri heç də asan deyil. Belə ki, naqillər ilə müxtəlif komponentlər cihaz konstruksiyasında çox sıx şəkildə yerləşirlər. iFixit mütəxəssisləri Vision Pro-nun təmir olunma mümkünlüyünü hələ qiymətləndirməyiblər. Cihazın spesifik olduğunu nəzərə alsaq çətin ki, onlar bu mövzuda bir qiymətləndirmə versinlər.

Paylaş

apple

apple vision pro

Bənzər xəbərlər