Nothing şirkəti hələ ki, Nothing Phone (2)-ni planlaşdırmır

    Nothing şirkətinin təsisçisi və CEO-su Carl Pei şirkətin planları barəsində bəzi məlumatları verib. Onun sözlərinə əsasən Nothing şirkəti digər istehsalçıların getdikləri yol ilə getməyəcək. Yəni şirkət öz smartfon seriyasını hər il yeniləmək niyyətində deyil. Bu isə o deməkdir ki, Nothing Phone (2) barəsində düşünmək hələ tezdir. Carl Pei bildirib ki, şirkət öz diqqətini hal hazırda aktual olan Nothing Phone (1)-də cəmləyəcək. Söhbət, smartfonun proqram təminatının təkmilləşdirilməsindən gedir. Qeyd etmək lazımdır ki, bir neçə müddət bundan öncə Nothing Phone (1) üçün Android 13-ün qapalı beta testinə qeydiyyat başladı. Beta versiya sözügedən smartfon üçün bu ayın ortasında təqdim edilməlidir. Daha sonra isə Nothing Phone (1) üçün Android 13-ün açıq beta testinə start veriləcək. Gözləntilərə əsasən smartfon əməliyyat sisteminin stabil versiyasını gələn ilin əvvəlində əldə edəcək.