OnePlus Ace 3 Pro flaqman smartfonu təqdim edilib - QİYMƏTİ
Cihazlar+
27.06.2024
Emil Nəcəfov
OnePlus şirkəti daha öncə də söz verdiyi kimi Çində OnePlus Ace 3 Pro smartfonunu təqdim edib. Bu, ilin əvvəlində təqdim edilmiş OnePlus Ace 3-ün təkmilləşdirilmiş versiyasıdır. OnePlus Ace 3 Pro böyük ölçülü ekranı, flaqman Snapdragon prosessoru və böyük həcmli batareyası ilə seçilir. Beləliklə smartfon 120 Hz-lik təsvir yenilənməsinə sahib 1.5K keyfiyyətli 6.78 düym ölçülü OLED ekranla təchiz olunub. Ekranın kənar hissələri əyilmiş dizaynda hazırlanıb və barmaq izi skanı texnologiyası da birbaşa ekrana inteqrasiya edilib. Ekranın maksimal parlaqlıq səviyyəsi isə 4500 nit təşkil edir. OnePlus Ace 3 Pro özündə Dolby Atmos dəstəkli stereo səsgücləndiricilər ilə kontaktsız ödənişlər üçün nəzərdə tutulmuş NFC çipi birləşdirir.
Smartfon Snapdragon 8 Gen 3 prosessoru vasitəsilə çalışır və 12/16/24 GB RAM ilə 256/512 GB/1 TB daxili yaddaş həcmini əldə edib. Kameralar mövzusunda OnePlus Ace 3 Pro 50 MP + 8 MP + 2 MP üçlü arxa kameraya və 16 MP-lik ön kameraya sahibdir. Smartfon OnePlus və CATL adlı şirkət arasındakı əməkdaşlıq çərçivəsində hazırlanmış Glacier Battery adlı yeni növ batareyanı əldə edib. Bu batareyanın həcmi 6100 mAh təşkil edir və o, 100 vatt gücündə sürətli şarj texnologiyasını dəstəkləyir. Batareya 100% enerjini 36 dəqiqəyə yığır. OnePlus bildirib ki, smartfondan 4 il istifadə etdikdən sonra batareya öz ilkin həcminin 80%-ni qoruyub saxlayır. Smartfon artıq Çin bazarında satışa çıxıb. Onun qlobal bazarda satılıb-satılmayacağı bilinmir. OnePlus Ace 3 Pro-nun Çin bazarındakı satış qiymətləri aşağıdakı kimidir.
- 12 GB RAM + 256 GB yaddaş - 440$
- 16 GB RAM + 256 GB yaddaş - 482$
- 16 GB RAM + 512 GB yaddaş - 523$
- 24 GB RAM + 1 TB yaddaş - 695$.
Linki kopyala
Bənzər xəbərlər
Oxşar xəbərlər
OnePlus Nord CE4 Lite təqdim edilib - QİYMƏTİ
OnePlus Nord CE4 Lite təqdim edilib - QİYMƏTİ
OnePlus şirkəti daha öncə də söz vermiş olduğu kimi özünün Nord seriyasının yeni smartfonunu təqdim edib. Söhbət, OnePlus Nord CE4 Lite smartfonundan gedir.
Təqdimata hazırlaşan OnePlus Pad Pro planşetinin xarici görünüşü sərgilənib
Təqdimata hazırlaşan OnePlus Pad Pro planşetinin xarici görünüşü sərgilənib
OnePlus şirkəti 27 iyun tarixində OnePlus Ace 3 Pro smartfonunu təqdim edəcək. Lakin həmin tarixdə şirkət sözügedən smartfondan əlavə olaraq daha bir yeni cihazını da təqdim edəcək.
OnePlus Ace 3 Pro-nun təqdimatı anons edilib
OnePlus Ace 3 Pro-nun təqdimatı anons edilib
OnePlus şirkəti aylar ərzində olmuş müxtəlif məlumat sızıntılarından sonra sonunda OnePlus Ace 3 Pro smartfonunun təqdimatını rəsmi şəkildə anons edib.
OnePlus Nord CE4 Lite 5G smartfonunun təqdimatı anons edilib
OnePlus Nord CE4 Lite 5G smartfonunun təqdimatı anons edilib
OnePlus şirkəti özünün Nord seriyasının yeni modelinin təqdimatını anons edib. Söhbət, OnePlus Nord CE4 Lite 5G smartfonundan gedir.
OnePlus Nord CE4 Lite smartfonunun nə zaman təqdim olunacağı sızdırılıb
OnePlus Nord CE4 Lite smartfonunun nə zaman təqdim olunacağı sızdırılıb
Biraz əvvəl biz xəbər verdik ki, OnePlus-ın təqdimata hazırlaşan OnePlus Nord CE4 Lite smartfonunun real fotosu ortaya çıxıb. İndi isə Amazon sayəsində bu yeni smartfonun nə zaman təqdim olunacağı məlum olub.
Həftənin xəbərləri
