
OnePlus Ace 3 Pro-nun əsas texniki özəllikləri açıqlanıb
Cihazlar+
06.05.2024
Farid
OnePlus şirkəti yanvar ayında OnePlus Ace 3 smartfonunu təqdim etmişdi. İndi isə şirkət OnePlus Ace 3 Pro smartfonu üzərində çalışır. İnsayderlər OnePlus Ace seriyasında hazırlanan bu yeni smartfonun texniki imkanları barəsində məlumat veriblər. Beləliklə verilmiş məlumata əsasən OnePlus Ace 3 Pro 120 Hz-lik təsvir yenilənməsinə sahib OLED ekranı əldə edəcək. Smartfon Snapdragon 8 Gen 3 prosessoru vasitəsilə çalışacaq və özündə 16 GB-a kimi RAM yaddaşını və 1 TB-a kimi daxili yaddaş həcmini birləşdirəcək.
İnsayderlər bildiriblər ki, OnePlus Ace 3 Pro 50 MP-lik əsas arxa kamera ilə təchiz olunacaq. Söhbət, Sony IMX890 adlı 50 MP-lik kamera sensorundan gedir. Qeyd etmək lazımdır ki, adi OnePlus Ace 3 modeli də məhz sözügedən əsas arxa kameraya sahibdir. Hazırlanan OnePlus Ace 3 Pro barəsində digər bir məlumat verilməyib. Onun nə zaman təqdim olunacağı da açıqlanmayıb. Lakin bunun yaxın zamanda baş tutacağı gözlənilir.
Paylaş
Ən çox oxunanlar

15 000-dən çox şagird Milli Hakatonun seçim mərhələsində iştirak edib.
