OnePlus Ace 3 təqdim olunub - QİYMƏTİ

Cihazlar+

07.01.2024

Emil

OnePlus şirkəti Çində OnePlus Ace 3 adlı yeni smartfonunu təqdim edib. Sözügedən yeni smartfon yüksək parlaqlıq səviyyəsinə sahib ekranı, performanslı prosessoru və böyük həcmli batareyanı əldə edib. Beləliklə OnePlus Ace 3 smartfonu 1 Hz-dən 120 Hz-ə kimi təsvir yenilənməsinə sahib 1.5K keyfiyyətli 6.78 düym OLED ekranla təchiz olunub. Ekranın maksimal parlaqlıq səviyyəsi 4500 nit təşkil edir və o, Gorilla Glass Victus 2 qoruyucu şüşəsi ilə əhatə olunub. Barmaq izi skanı texnologiyası da birbaşa ekrana inteqrasiya edilib.

Smartfon həmçinin özündə Dolby Atmos dəstəkli stereo səsgücləndiriciləri və kontaktsız ödənişlər üçün nəzərdə tutulmuş NFC çipi birləşdirir. Əsas texniki göstəricilərə gəldikdə isə OnePlus 3 Snapdragon 8 Gen 2 prosessoru, 12/16 GB RAM, 256/512 GB/1 TB daxili yaddaş həcmi, 50 MP (f/1.8 diafraqma, optik stabilizasiya, 84.2 dərəcə bucaq əhatəsi) + 8 MP (f/2.2 diafraqma, 112 dərəcə bucaq əhatəsi) + 2 MP (f/2.4 diafraqma, 89 dərəcə bucaq əhatəsi) üçlü arxa kamera, 16 MP-lik ön kamera və 100 vatt gücündə sürətli şarj texnologiyalı 5500 mAh enerji tutumlu batareya ilə təchiz olunub.

Smartfon qutudan Android 14 vasitəsilə çalışır. OnePlus Ace 3 Çin bazarında 8 yanvar tarixində satışa çıxacaq. Onun qlobal versiyası olacaq OnePlus 12R isə bu ayın sonuna yaxın OnePlus 12-nin qlobal versiyası ilə birlikdə təqdim olunmalıdır. OnePlus Ace 3-ün Çin bazarındakı satış qiymətlərinə gəldikdə, onun 12 GB RAM-a və 256 GB yaddaşa sahib versiyası 365$-a, 16 GB RAM-a və 512 GB yaddaşa sahib versiyası 420$-a, 16 GB RAM-a və 1 TB yaddaşa sahib versiyası isə 490$-a satılacaq.

Paylaş

oneplus

oneplus ace 3

Bənzər xəbərlər