OnePlus Ace 3-ün fotosu, texniki göstəriciləri və satış qiymətləri təqdim edilib

Cihazlar+

22.12.2023

Emil

Çinin China Telecom adlı mobil operatoru OnePlus şirkətinin gələn ayın əvvəlində təqdim edəcəyi gözlənilən OnePlus Ace 3 smartfonunun render fotosunu, texniki göstəricilərini və hətta satış qiymətlərini də təqdim edib. Beləliklə məlumata əsasən OnePlus Ace 3 smartfonu 2480х1264 piksel keyfiyyətli 6.78 düym OLED ekranla təchiz olunacaq. Smartfon Snapdragon 8 Gen 2 prosessoru vasitəsilə çalışacaq və özündə 12/16 GB RAM ilə 256/512 GB/1 TB daxili yaddaş həcmini birləşdirəcək.

Kameralar mövzusunda OnePlus Ace 3 smartfonu 50 MP + 8 MP + 2 MP üçlü arxa kameraya və 16 MP-lik ön kameraya sahib olacaq. Üstəlik smartfon 100 vatt gücündə sürətli şarj texnologiyalı 5500 mAh enerji tutumlu batareya ilə təchiz olunacaq. China Telecom-un təqdim etmiş olduğu məlumatda qeyd edilib ki, OnePlus Ace 3-ün 12 GB RAM-a və 256 GB yaddaşa sahib versiyası 465$-a, 16 GB RAM-a və 512 GB yaddaşa sahib versiyası 520$-a, 16 GB RAM-a və 1 TB yaddaşa sahib versiyası isə 560$-a satılacaq. Qeyd etmək lazımdır ki, OnePlus Ace 3 smartfonu qlobal bazarda OnePlus 12R adı altında satılacaq.

Paylaş

oneplus

oneplus ace 3

Bənzər xəbərlər