OnePlus Ace 3V smartfonu Geekbench testlərindən keçib

     OnePlus-ın təqdimata hazırlaşan yeni smartfonu Geekbench testlərindən keçib. Söhbət, OnePlus Ace 3V-dən gedir. Geekbench məlumatlarına əsasən OnePlus Ace 3V smartfonu 8 nüvəli prosessor vasitəsilə çalışacaq. Məlumatlarda söhbətin hansı prosessordan getdiyi qeyd edilməyib. Lakin çox güman ki, bu, 18 mart tarixində təqdim olunacağı gözlənilən Snapdragon 7+ Gen 3 prosessoru olacaq. Geekbench vasitəsilə həmçinin məlum olub ki, smartfon 16 GB RAM-ı və qutudan Android 14-ü əldə edəcək. OnePlus Ace 3V Geekbench-in bir nüvəli testi çərçivəsində 1416 xal, çox nüvəli testi çərçivəsində isə 4829 xal toplayıb. Smartfonun bu ayın sonunda təqdim olunacağı gözlənilir.