OnePlus Ace 5 və Ace 5 Pro təqdim olunub - QİYMƏTİ

     OnePlus şirkəti daha öncə də söz vermiş olduğu kimi OnePlus Ace 5 və Ace 5 Pro smartfonlarını təqdim edib. Bu smartfonlar həm xarici görünüşcə həm də bəzi texniki imkanlar üzrə eynidirlər. Beləliklə hər iki smartfon 120 Hz-lik təsvir yenilənməsinə sahib 1.5K keyfiyyətli 6.78 düym ölçülü ekranla təchiz olunub. Ekranın maksimal parlaqlıq səviyyəsi 4500 nit təşkil edir. Barmaq izi skanı texnologiyası da birbaşa ekrana inteqrasiya edilib. Smartfonların gövdələri IP65 standartı üzrə sudan qorunma özəlliyinə sahibdirlər. OnePlus Ace 5 modeli Snapdragon 8 Gen 3 prosessoru vasitəsilə, OnePlus Ace 5 Pro modeli isə Snapdragon 8 Elite prosessoru vasitəsilə çalışır.

     Hər iki smartfon 12/16 GB RAM ilə 256/512 GB/1 TB daxili yaddaş həcmini əldə edib. Bununla yanaşı hər iki smartfon 50 MP + 8 MP + 2 MP üçlü arxa kamera ilə 16 MP-lik ön kameranı əldə edib. Batareya mövzusuna gəldikdə isə OnePlus Ace 5 modeli 80 vatt gücündə sürətli şarj texnologiyalı 6400 mAh enerji tutumlu batareya ilə, Ace 5 Pro modeli isə 100 vatt gücündə sürətli şarj texnologiyalı 6100 mAh enerji tutumlu batareya ilə təchiz olunub. Smartfonlar artıq Çində satışa çıxıblar. OnePlus Ace 5-in qiyməti 314$-dan, Ace 5 Pro-nun qiyməti isə 465$-dan start götürür. Qeyd etmək lazımdır ki, bu smartfonlar qlobal bazarda OnePlus 13R və OnePlus 13R Pro adları altında satışa çıxacaqlar. OnePlus 13R seriyasının təqdimatı isə 7 yanvar tarixində baş tutacaq.

Bənzər xəbərlər

Cihazlar+

Məşhur insayder qatlana bilən OnePlus Open 2 smartfonu barəsində yeni təfərrüatları təqdim edib

Heç şübhəsiz OnePlus şirkəti hal-hazırda OnePlus Open 2 adlı yeni qatlana bilən smartfonu üzərində çalışır. Bu smartfon qatlana bilən OPPO Find N5 smartfonunun qlobal bazar üçün nəzərdə tutulmuş versiyası olmalıdır.

Cihazlar+

OnePlus Ace 5 Pro-nun prosessor performansı və batareya həcmi rəsmi şəkildə açıqlanıb

OnePlus şirkəti OnePlus Ace 5 və Ace 5 Pro smartfonlarını artıq sabah təqdim edəcək. Təqdimatdan 1 gün öncə isə şirkət OnePlus Ace 5 Pro modeli barəsində rəsmi təfərrüatları bölüşüb.

Cihazlar+

OnePlus 13R-in hansı prosessoru əldə edəcəyi rəsmi şəkildə açıqlanıb

OnePlus şirkəti OnePlus 13R smartfonunun təqdimatını artıq anons edib. Sözügedən smartfon 7 yanvar tarixində təqdim olunacaq.

Cihazlar+

OnePlus Watch 3 smart saatının render fotosu və texniki imkanları təqdim edilib

Bir neçə müddət bundan öncə məlumat ortaya çıxmışdı ki, OnePlus şirkəti OnePlus Watch 3 smart saatı üzərində çalışır. İndi isə Smartprix saytı sözügedən smart saatın ilk render fotosunu və texniki imkanlarını təqdim edib.

Cihazlar+

OnePlus Ace 5 smartfon seriyasının təqdimatı anons edilib

Qeyd etmək lazımdır ki, smartfon seriyasına iki model daxil olacaq. OnePlus Ace 5 və Ace 5 Pro.