OnePlus Buds Pro 3 naqilsiz flaqman qulaqlığının təqdimatı anons edilib

     OnePlus şirkəti yeni naqilsiz flaqman qulaqlığının təqdimatını anons edib. Söhbət, OnePlus Buds Pro 3-dən gedir. Şirkət tərəfindən təqdim edilmiş posterə əsasən bu yeni naqilsiz qulaqlıq 20 avqust tarixində təqdim ediləcək. Qeyd etmək lazımdır ki, gözləntilərə əsasən OnePlus Buds Pro 3 qulaqlıqları ikili audio drayver ilə təchiz olunacaqlar. Söhbət, 11 mm və 6 mm-lik audio drayverlərdən gedir. Üstəlik qulaqlıqlar ətraf səs-küyün aktiv boğulması funksiyasına sahib olacaqlar. Bu funksiya sayəsində qulaqlıqlar ətraf səs-küyü 50 dB-ə (desibel) kimi boğa biləcəklər. Bundan əlavə olaraq qulaqlıqların gövdələri IP54 standartı üzrə nəmişlikdən qorunma özəlliyinə sahib olmalıdırlar.