OnePlus-ın kompakt ölçülü smartfonu barəsində yeni təfərrüattlar təqdim edilib
Cihazlar+
21.01.2025
Emil
Hələ keçən il məlumat ortaya çıxmışdı ki, bir çox şirkət kimi OnePlus da öz kompakt ölçülü smartfonu üzərində çalışır. Smartfonun necə adlanacağı hələ bilinmir. Lakin insayderlər OnePlus-ın kompakt ölçülü smartfonu barəsində bəzi təfərrüatları təqdim ediblər. Beləliklə onların sözlərinə əsasən şirkətin hazırladığı kompakt ölçülü smartfon 1.5K keyfiyyətli 6.3 düym ölçülü ekranla təchiz olunacaq.
Smartfon Snapdragon 8 Elite prosessoru vasitəsilə çalışacaq və özündə üçlü arxa kameranı birləşdirəcək. Gözləntilərə əsasən smartfon 50 MP-lik əsas arxa kameranı, 8 MP-lik ultra geniş bucaqlı kameranı və 50 MP-lik periskop kameranı əldə edəcək. Məlumatda qeyd edilib ki, smartfon gövdəsinin çərçivəsi metal materialdan hazırlanmış olacaq və sürətli naqilsiz şarj texnologiyasını dəstəkləyəcək. OnePlus-ın bu kompakt ölçülü smartfonunun nə zaman təqdim olunacağı bilinmir. Lakin bu, cari ilin ikinci yarısında baş tuta bilər.
Paylaş
Ən çox oxunanlar
ABŞ ordusu zirehli texnika əvəzinə dronlara üstünlük verəcək
