OnePlus yeni naqilsiz qulaqlığının təqdimatını anons edib
Artıq məlumdur ki, OnePlus şirkəti 4 yanvar tarixində OnePlus Ace 3 smartfonunu təqdim edəcək. Lakin indi məlum olub ki, həmin tarixdə şirkət təkcə OnePlus Ace 3-ün təqdimatı ilə yetinməyəcək. Belə ki, 4 yanvar tarixində şirkət üstəlik OnePlus Buds 3 naqilsiz qulaqlığını da təqdim edəcək. Şirkət bu barədə məlumatı Çinin Weibo adlı sosial şəbəkəsində paylaşıb. Təqdim edilmiş posterə əsasən OnePlus Buds 3 naqilsiz qulaqlığı xarici görünüşcə OnePlus Buds 2 Pro-ya bənzəyəcək və bazara iki gövdə rəngində satışa çıxacaq. Qara və mavi. Texniki özəlliklərə gəldikdə isə yeni naqilsiz qulaqlıq vakuum konstruksiyaya sahib olmalı və 48 dB-ə (desibel) kimi ətraf səs-küyün aktiv boğulması funksiyasını özündə birləşdirməlidir. Üstəlik qulaqlıqların gövdələri IP55 standartı üzrə sudan qorunma özəlliyini əldə etməlidirlər.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
