OPPO Find X8 Ultra-nın real fotoları ortaya çıxıb

     OPPO şirkəti keçən həftə qatlana bilən OPPO Find N5 smartfonunu təqdim etdi. İndi isə şirkət OPPO Find X8 Ultra flaqman smartfonunun təqdimatına hazırlaşır. Bu smartfonun 2025-ci ilin birinci yarısında təqdim olunacağı barəsində məlumatlar daha öncə də ortaya çıxmışdı. İndi isə internetdə OPPO Find X8 Ultra-nın real fotoları ortaya çıxıb. Ortaya çıxmış fotolarda smartfonun həm arxa həm də ön paneli əks olunub.

     Fotolardan da görmək olar ki, smartfon olduqca böyük ölçülü olacaq və özündə yastı ekran dizaynını birləşdirəcək. Smartfonun arxa panelində böyük ölçülü dairəvi kamera sahəsi yerləşəcək. Kamera sahəsi də spesifik dizayna və gümüşü rəngə sahibdir. Bu öz növbəsində smartfona premiumluq hissi verir. Son məlumat sızıntılarına inansaq, OPPO Find X8 Ultra smartfonu 2K keyfiyyətli 6.8 düym ölçülü ekranla təchiz olunacaq, Snapdragon 8 Elite prosessoru vasitəsilə çalışacaq və özündə 80 vatt gücündə sürətli şarj texnologiyalı 6000 mAh enerji tutumlu batareyanı birləşdirəcək. Smartfonun yaxın zamanda təqdim olunacağı gözlənilir.

Bənzər xəbərlər

Cihazlar+

OPPO Watch X2 flaqman smart saatı təqdim edilib - QİYMƏTİ

OPPO şirkəti qatlana bilən OPPO Find N5 smartfonundan əlavə olaraq öz yeni flaqman smart saatını da təqdim edib. Söhbət, OPPO Watch X2-dən gedir.

Cihazlar+

Qatlana bilən OPPO Find N5 təqdim olunub - QİYMƏTİ

Uzun aylar ərzində olmuş müxtəlif məlumat sızıntılarından sonra OPPO şirkəti sonunda öz yeni qatlana bilən smartfonunu təqdim etdi. Söhbət, OPPO Find N5-dən gedir.

Elm & Texnologiya

OPPO 8000 mAh həcmli yeni batareyaları test edir

OnePlus ultra böyük həcmi smartfon batareyalarında istifadə olunan qabaqcıl silisium-karbon (SiC) texnologiyasının məşhurlaşmasına mühüm töhfə verib.

Cihazlar+

Orta büdcəli OPPO A3i Plus smartfonu təqdim edilib - QİYMƏTİ

OPPO şirkəti öz yeni orta büdcəli smartfonunu təqdim edib. Söhbət, OPPO A3i Plus-dan gedir. Bu yeni orta büdcəli smartfon böyük ölçülü ekranı, Snapdragon prosessoru və böyük həcmli batareyası ilə seçilir.

Cihazlar+

Bu il OnePlus-dan qatlana bilən smartfon olmayacaq

OnePlus yeni qatlana bilən smartfonların buraxılması ilə bağlı rəsmi açıqlama yayıb. Qısa sözlə desək, şirkət bu il nə OnePlus Open-in davamçısını, nə də başqa qatlana bilən modelləri təqdim etməyi planlaşdırmır.