Orta büdcəli Redmi 13 4G smartfonu təqdim edilib - QİYMƏTİ

     Xiaomi-nin Redmi brendi qlobal bazarda yeni orta büdcəli smartfonunu təqdim edib. Söhbət, Redmi 13 4G-dən gedir. Bu yeni smartfon Redmi 12 4G-nin davamçısıdır. Redmi-nin bu yeni orta büdcəli smartfonu böyük ölçülü ekranı, MediaTek prosessorunu, böyük həcmli batareyanı əldə edib və onun gövdəsi üstəlik sudan qorunma özəlliyinə sahibdir. Beləliklə Redmi 13 4G smartfonu 90 Hz-lik təsvir yenilənməsinə sahib Full HD+ keyfiyyətli 6.79 düym ölçülü LCD ekranla təchiz olunub. Barmaq izi skanı texnologiyası yandırıb/söndürmə düyməsinə inteqrasiya edilib.

     Redmi 13 4G-nin gövdəsi IP53 standartı üzrə sudan qorunma özəlliyinə sahibdir və özündə kontaktsız ödənişlər üçün nəzərdə tutulmuş NFC çip ilə naqilli qulaqlıqlar üçün 3.5 mm-lik audiogirişi birləşdirir. Smartfon MediaTek Helio G91 Ultra prosessoru vasitəsilə çalışır və 6/8 GB RAM ilə 128/256 GB daxili yaddaş həcmini əldə edib. Kameralar mövzusunda smartfon 108 MP + 2 MP ikili arxa kameraya və 13 MP-lik ön kameraya sahibdir. Batareyaya gəldikdə isə Redmi 13 4G smartfonu 33 vatt gücündə sürətli şarj texnologiyalı 5030 mAh enerji tutumlu batareya ilə təchiz olunub. Smartfon qutudan Android 14 əsaslı HyperOS vasitəsilə çalışır. Redmi 13 4G Avropanın artıq bəzi ölkələrində satışa çıxıb. Onun 6 GB RAM-a və 128 GB yaddaşa sahib versiyası 200 avroya, 8 GB RAM-a və 256 GB yaddaşa sahib versiyası isə 230 avroya satılır.

Bənzər xəbərlər

Cihazlar+

Xiaomi 14 CIVI-nin texniki göstəriciləri məlum olub

Keçən həftə Xiaomi şirkəti Xiaomi 14 CIVI smartfonunun təqdimatını anons etmişdi. Smartfon 12 iyun tarixində təqdim olunacaq və o, mart ayında təqdim edilmiş Xiaomi CIVI 4 Pro-nun qlobal bazar üçün nəzərdə tutulmuş versiyası olmalıdır.

Cihazlar+

Xiaomi 15 smartfonlarının kamera imkanları barəsində təfərrüatlar verilib

Xiaomi payız fəslində Xiaomi 15 smartfon seriyasını təqdim etməlidir. Keçən ilki Xiaomi 14 seriyası ilə müqayisədə Xiaomi 15 seriyasında daha təkmilləşdirilmiş foto çəkiliş imkanlarının olacaqları gözlənilir.

Cihazlar+

Xiaomi CIVI 4 Pro-nun qlobal versiyasının təqdimatı anons edilib

Xiaomi şirkəti mart ayında Xiaomi CIVI 4 Pro adlı subflaqman smartfonunu təqdim etmişdi. İndi isə şirkət onun qlobal versiyasının təqdimatına hazırlaşır.

Cihazlar+

POCO M6 Plus 5G smartfonu təqdimata hazırlaşır

Xiaomi-nin POCO brendi keçən həftə qlobal bazarda POCO F6 smartfon seriyasını təqdim etdi. İndi isə sözügedən brend qlobal bazarda daha bir yeni smartfonunu təqdim etməyə hazırlaşır.

Cihazlar+

Redmi Note 14 Pro barəsində ilk məlumatlar verilib

Xiaomi-nin Redmi brendi hər il Redmi Note seriyasını yeniləyir. Keçən il Redmi Note 13 seriyası təqdim olunmuşdu.