Orta büdcəli Samsung Galaxy M55s smartfonu təqdimata hazırlaşır

     Samsung şirkəti yeni orta büdcəli smartfonunu təqdim etməyə hazırlaşır. Söhbət, Galaxy M55s-dən gedir. İndi isə məlum olub ki, sözügedən smartfon Wi-Fi Alliance təşkilatında sertifikatlaşdırmadan keçib. Bu isə Galaxy M55s-in yaxın zamanda təqdim olunacağına işarə edir. Qeyd etmək lazımdır ki, Galaxy M55s smartfonu Galaxy M seriyasının uzun fasilədən sonra ilk s versiyalı modeli olacaq. Belə ki, Galaxy M52, M53 və M54 smartfonları s versiyaya sahib deyillər. Gözləntilərə əsasən Galaxy M55s smartfonu 120 Hz-lik təsvir yenilənməsinə sahib AMOLED ekranı əldə edəcək və Snapdragon 7 Gen 1 prosessoru vasitəsilə çalışacaq. Bununla yanaşı smartfon özündə 50 MP-lik əsas arxa kamera ilə 25 vatt gücündə sürətli şarj texnologiyalı 5000 mAh enerji tutumlu batareyanı birləşdirə bilər.