Honor şirkəti IFA 2023 sərgisi çərçivəsində qatlana bilən Honor Magic V2 smartfonunun qlobal versiyasını təqdim edib. Qeyd etmək lazımdır ki, sözügedən smartfon iyul ayında Çin bazarında təqdim edilmişdi. Dünyanın hal hazırda ən nazik və yüngül qatlana bilən Honor Magic V2 smartfonunun Çin bazarı üçün nəzərdə tutulmuş versiyası ilə qlobal bazar üçün nəzərdə tutulmuş versiyası arasında heç bir fərq yoxdur. Onların texniki özəllikləri eynidir. Honor IFA çərçivəsində Magic V2-nin qlobal versiyasının nə zaman və hansı qiymətə satışa çıxacağı barəsində məlumat verməyib. Həmin məlumatların daha sonra təqdim olunacağı gözlənilir.