Qlobal bazarda OnePlus Watch 3 smart saatı təqdim edilib - QİYMƏTİ

     OnePlus şirkəti qlobal bazarda öz yeni smart saatını təqdim edib. Söhbət, OnePlus Watch 3-dən gedir. Bu, keçən ilki OnePlus Watch 2 modelinin yenilənmiş versiyasıdır. OnePlus Watch 3-ün gövdəsi paslanmaz poladdan, bezeli (üst hissədəki gümüşü dairəvi çərçivə) isə titan materialdan hazırlanıb. Smart saatın ekranı sapfir şüşə ilə əhatə olunub. OnePlus Watch 3-ün dizaynındakı əsas yenilik sağ tərəfdəki naviqasiya düyməsidir. İstifadəçi interfeysin idarəsi üçün həmin düyməni fırlada bilər.

     Smart saatın gövdəsi IP68 və 5ATM standartları üzrə sudan qorunur və üstəlik MIL-STD-810H hərbi standartının tələblərinə cavab verir. OnePlus Watch 3, 1.5 düym ölçülü LTPO AMOLED ekranla təchiz olunub. Ekranın maksimal parlaqlıq səviyyəsi 2200 nit təşkil edir. Beləliklə yeni smart saatın ekranı OnePlus Watch 2-nin ekranından 120% daha parlaqdır. Yeni smart saat Snapdragon W5 Gen 1 prosessoru vasitəsilə çalışır və öğzündə 32 GB daxili yaddaş həcmini birləşdirir. OnePlus Watch 3 ürək döyüntüləri tezliyini, bilək temperaturunu, qandakı oksigen miqdarını ölçə, elektrokardioqrafiyanı reallaşdıra və yuxu keyfiyyəti ilə stress səviyyəsini monitorinq edə bilir.

     Smart saat 100-dən çox idman rejimini dəstəkləyir və özündə GPS-i birləşdirir. OnePlus Watch 3-ün batareya həcmi 631 mAh təşkil edir. Nəticədə o, bir dəfə şarj olunandan sonra 5 gün ərzində, enerjiyə qənaət rejimi çərçivəsində isə 16 gün ərzində çalışa bilir. Bundan əlavə olaraq smart saat sürətli şarj texnologiyasının dəstəyinə sahibdir. Belə ki, 10 dəqiqəlik şarj prosesi nəticəsində OnePlus Watch 3, 24 saat ərzində çalışa bilir. Smart saat 25 fevral tarixində satışa çıxacaq və onun qiyməti 329$ təşkil edəcək.

Mənbə: Gadgets360

Bənzər xəbərlər

Cihazlar+

OnePlus 13 Mini böyük həcmli batareyanı əldə edə bilər

Son zamanlar internetdə OnePlus-un kompakt ölçülü flaqmanı üzərində çalışdığı barəsində məlumatlar ortaya çıxıb.

Cihazlar+

Bu il OnePlus-dan qatlana bilən smartfon olmayacaq

OnePlus yeni qatlana bilən smartfonların buraxılması ilə bağlı rəsmi açıqlama yayıb. Qısa sözlə desək, şirkət bu il nə OnePlus Open-in davamçısını, nə də başqa qatlana bilən modelləri təqdim etməyi planlaşdırmır.

Cihazlar+

OnePlus-ın kompakt ölçülü smartfonu barəsində yeni təfərrüattlar təqdim edilib

Hələ keçən il məlumat ortaya çıxmışdı ki, bir çox şirkət kimi OnePlus da öz kompakt ölçülü smartfonu üzərində çalışır. Smartfonun necə adlanacağı hələ bilinmir.

Cihazlar+

OnePlus Open 2 smartfon bazarının ən nazik gövdəli qatlana bilən smartfonu ola bilər

OnePlus 2025-ci ildə Snapdragon 8 Elite prosessoru vasitəsilə çalışan ilk qatlana bilən smartfonu təqdim edəcək şirkət ola bilər.

Cihazlar+

OnePlus-ın kompakt ölçülü smartfonunun bəzi texniki imkanları açıqlanıb

Hələ keçən ilin sonuna yaxın məlumat ortaya çıxmışdı ki, OnePlus şirkəti kompakt ölçülü smartfon üzərində çalışır. İndi isə Digital Chat Station ləqəbli məşhur insayder hazırlanan bu smartfonun bəzi texniki təfərrüatlarını bölüşüb.