İnsayderlərin vermiş olduqları məlumata əsasən Xiaomi-nin Redmi brendi bu il yeni nəsil yüksək sürətli şarj texnologiyasını dəstəkləyəcək flaqman smartfonunu təqdim edəcək. Söhbət, 210 vatt gücündə olan yüksək sürətli şarj texnologiyasından gedir. Gözləntilərə əsasən sözügedən yüksək sürətli şarj texnologiyası smartfon bazarında əsl inqilab yaradacaq. Belə ki, bu texnologiya smartfonu bir neçə dəqiqə ərzində 100% enerji ilə təmin etməyə imkan verəcək.

    Qeyd etmək lazımdır ki, Redmi brendinin 210 vatt gücündə yüksək sürətli şarj texnologiyasının dəstəyinə sahib ilk smartfonu Redmi Note 12 Explorer Edition modeli olmuşdu. Bu cür texnologiya vasitəsilə sözügedən smartfon 100% enerjini 9 dəqiqə ərzində yığa bilir. Redmi-nin hansı növbəti smartfonunun bu texnologiyanı əldə edəcəyi məlum deyil. Lakin güman etmək olar ki, Söhbət, Redmi K60 Ultra-dan gedir. Son məlumat sızıntılarına əsasən Redmi bu smartfon üzərində aktiv şəkildə çalışır və onun bu ilin ikinci yarısında təqdim edilməsi gözlənilir.