Redmi K60 Extreme Edition-un bəzi texniki özəllikləri məlum olub

    Xiaomi 14 smartfon seriyasının təqdimatından öncə Redmi brendi ilin sonuna kimi iki ədəd flaqman smartfon təqdim etməyi planlaşdırır. Onlardan biri Redmi K60 Ultra, digəri isə Redmi K60 Extreme Edition olmalıdır. Digital Chat Station ləqəbli məşhur insayder Redmi K60 Extreme Edition barəsində yeni məlumatlar verib. İnsayderin sözlərinə əsasən sözügedən smartfon 144 Hz-lik təsvir yenilənməsinə sahib 1.5K keyfiyyətli ekran ilə təchiz olunacaq.

    Ekranın ətrafındakı çərçivələr isə maksimal dərəcədə nazik olacaqlar. Bununla yanaşı Redmi K60 Extreme Edition smartfonu özündə 100 vatt gücündə sürətli şarj texnologiyalı 5000 mAh enerji tutumlu batareyanı birləşdirəcək. Qeyd etmək lazımdır ki, qlobal bazarda Redmi K60 Extreme Edition smartfonu böyük ehtimal ilə Xiaomi 13T adı ilə satışa çıxacaq. Redmi K60 Extreme Edition modelinin ya avqust ya da sentyabr ayında təqdim ediləcəyi gözlənilir.