main-post-cover

    Redmi K70E-in qlobal versiyası artıq sertifikatlaşdırmadan keçib

    Cihazlar+
    01.12.2023
    Emil Nəcəfov
         Redmi brendi 29 noyabr tarixində Redmi K70 smartfon seriyasını təqdim etdi. Sözügedən seriyaya daxil olan modellərdən biri də Redmi K70E oldu. İndi isə məlum olub ki, sözügedən model qlobal bazarda satışa çıxacaq və POCO brendi altında satılacaq. Məlumatda qeyd edilib ki, Redmi K70E-nin qlobal bazarda adı POCO X6 Pro 5G olacaq. Qlobal versiya artıq Taylandın NBTC adlı tənzimləyici orqanında sertifikatlaşdırmadan keçib. Sertifikatlaşdırma orqanının məlumatlar bazasında POCO X6 Pro 5G-nin texniki göstəriciləri barəsində məlumat qeyd edilməsə də, çətin ki, onun texniki özəllikləri Redmi K70E-nin texniki özəlliklərindən fərqlənsin. POCO X6 Pro 5G-nin nə zaman təqdim olunacağı bilinmir.
    Linki kopyala