REDMI Note 14 Pro və Note 14 Pro+ smartfonlarının qlobal versiyaları təqdim edilib - QİYMƏTİ

     Xiaomi-nin REDMI brendi qlobal REDMI Note 14 Pro və Note 14 Pro+ smartfonlarının qlobal versiyalarını təqdim edib. Bu smartfonların qlobal versiyaları xarici görünüşcə Çində satılan versiyalara bənzəsələr də, bəzi texniki göstəricilər baxımından onlar arasında fərq mövcuddur. Bu fərq kameraları və dəstəklənən sürətli şarj texnologiyasının gücünü əhatə edir. Beləliklə hər iki smartfonun qlobal versiyası 120 Hz-lik təsvir yenilənməsinə sahib 1.5K keyfiyyətli 6.67 düym ölçülü OLED ekranla təchiz olunub.

     Sözügedən smartfonların ekranlarındakı maksimal parlaqlıq səviyyəsi 3000 nit təşkil edir və üstəlik ekranlar Gorilla Glass Victus 2 qoruyucu şüşəsi ilə əhatə olunub. Barmaq izi skanı texnologiyası bu smartfonlarda birbaşa ekrana inteqrasiya edilib. Onların gövdələri isə IP68 standartı üzrə sudan qorunma özəlliyinə sahibdirlər. REDMI Note 14 Pro-nun qlobal versiyası MediaTek Dimensity 7300 Ultra prosessoru vasitəsilə çalışır və 8/12 GB RAM ilə 128/256/512 GB daxili yaddaş həcmini əldə edib.

     REDMI Note 14 Pro+ modelinin qlobal versiyasına gəldikdə isə o, Snapdragon 7s Gen 3 prosessoru vasitəsilə çalışır və 12/16 GB RAM ilə 128/256/512 GB daxili yaddaş həcmini əldə edib. Hər iki smartfon 200 MP + 8 MP + 2 MP üçlü arxa kameraya və 20 MP-lik ön kameraya sahibdir. Bununla yanaşı hər iki smartfon 5110 mAh enerji tutumlu batareya ilə təchiz olunub. REDMI Note 14 Pro modeli 45 vatt gücündə sürətli şarj texnologiyasının dəstəyinə, REDMI Note 14 Pro+ mdodeli isə 120 vatt gücündə sürətli şarj texnologiyasının dəstəyinə sahibdir. Smartfonların qlobal versiyaları artıq satışa çıxıblar. REDMI Note 14 Pro-nun qlobal versiyasının qiyməti 399$-dan, REDMI Note 14 Pro+ modelinin qlobal versiyasının qiyməti isə 449$-dan start götürür.

Bənzər xəbərlər

Cihazlar+

Xiaomi şirkəti Sanpdragon 8 Elite prosessoru vasitəsilə çalışacaq planşet üzərində çalışır

İnsayderlərin vermiş olduqları məlumata əsasən Xiaomi şirkəti Snapdragon 8 Elite prosessoruna sahib planşeti satışa çıxartmağı planlaşdırır.

Cihazlar+

POCO X7 və POCO X7 Pro təqdim olunub - QİYMƏTİ

Xiaomi-nin POCO brendi qlobal bazarda POCO X7 smartfon seriyasını təqdim edib. Bu seriyaya iki model daxil olub. POCO X7 və X7 Pro. Bu iki smartfon həm xarici görünüşcə həm də bəzi texniki imkanlar baxımından bir-birindən fərqlənir.

Cihazlar+

Xiaomi şirkəti MWC 2025 sərgisində iştirakını təsdiqləyib

Xiaomi-nin POCO və REDMI brendləri öz yeni smartfonlarının qlobal bazarda təqdimatlarıan hazırlaşırlar.

Cihazlar+

REDMI Buds SE adlı yeni büdcəli naqilsiz qulaqlıq təqdim edilib - QİYMƏTİ

Xiaomi-nin REDMI brendi yeni büdcəli naqilsiz qulaqlığını təqdim edib. Yeni naqilsiz qulaqlıq REDMI Buds SE adlanır.

Elm & Texnologiya

Xiaomi-nin yeni mobil prosessoru Surge S2 adı ilə təqdim oluna bilər

Xiaomi şirkəti 8 il bundan öncə Surge S1 adlı ilk mobil prosessorunu təqdim etmişdi. Sözügedən prosessoru Xiaomi Mi 5c smartfonu əldə etmişdi.