Samsung dözümlü gövdəyə sahib Galaxy XCover 8 smartfonu və Galaxy Tab Active 5 Pro planşeti üzərində çalışır

     Samsung şirkəti dözümlü gövdələri ilə tanınan Galaxy XCover və Tab Active seriyalarının yeni cihazlarını təqdim etməyə hazırlaşır. Söhbət, Galaxy XCover 8 smartfonundan və Galaxy Tab Active 5 Pro planşetindən gedir. Ortaya çıxmış məlumatda qeyd edilib ki, hazırlanan bu yeni smartfon SM-G766B model nömrəsinə sahibdir. Qeyd etmək lazımdır ki, Galaxy XCover 7 smartfonu bu ilin yanvar ayında təqdim olunmuşdu. Buna görə də Galaxy XCover 8 smartfonunun təqdimatını gələn ilin yanvar ayı üçün gözləmək olar. Bundan əlavə olaraq Samsung üstəlik Galaxy Tab Active 5 Pro planşeti üzərində də çalışır. Adları sadalanmış bu cihazların dözümlü gövdəyə və orta səviyyəli texniki imkanlara sahib olacaqları gözlənilir.