Samsung şirkəti öz smartfonlarında Android 13 əməliyyat sistemini istifadəyə verməyə davam edir. Bu dəfə sözügedən əməliyyat sistemini Galaxy A seriyasının daha bir modeli əldə edib. Söhbət, Galaxy A13 5G smartfonundan gedir. Məlumatda qeyd edilib ki, Android 13-ün stabil versiyasını Galaxy A13 5G-nin Avstriya, Xorvatiya, Fransa, İrlandiya, İtaliya, Polşa, Portuqaliya, Serbiya, Sloveniya, İsveçrə, Çexiya və Böyük Britaniyadan olan istifadəçilər əldə etməyə başlayıblar. Digər ölkələrdə Galaxy A13 5G üçün Android 13-ün stabil versiyası yaxın günlərdə istifadəyə veriləcək. Android 13 ilə yanaşı Galaxy A13 5G smartfonu həmçinin yeni OneUI 5.0 istifadəçi interfeysini və Google şirkətinin aktual təhlükəsizlik yenilənməsini əldə edib.