Samsung Galaxy A17 5G smartfonu Geekbench testlərindən keçib

     Samsung şirkəti orta büdcəli Galaxy A17 5G smartfonunu təqdim etməyə hazırlaşır. İndi isə məlum olub ki, sözügedən smartfon Geekbench testlərindən keçib. Bu isə onun bəzi özəlliklərini ortaya çıxarıb. Geekbench-in məlumatlar bazasına əsasən Galaxy A17 5G-in prosessoru özündə 2 ədəd 2.4 GHz tezlikli nüvəni və 6 ədəd 2.0 GHz tezlikli nüvəni birləşdirir. Onun qrafik imkanlarından isə ARM Mali-G68 qrafik çipi cavabdehdir. Bütün bunlar Exynos 1330 prosessoruna işarə edir. Geekbench testlərindən Galaxy A17 5G-nin 6 GB RAM-a sahib versiyası keçib. Bununla yanaşı məlum olub ki, smartfon qutudan Android 15-i əldə edəcək. Smartfon Geekbench-in birnüvəli testi çərçivəsində 942 xal, çoxnüvəli testi çərçivəsində isə 2137 xal toplayıb.