Samsung Galaxy Buds 3 və Buds 3 Pro naqilsiz qulaqlıqlarının özəllikləri ilə qiymətləri açıqlanıb

Cihazlar+

06.06.2024

Emil

Samsung şirkəti yaxın zamanda Galaxy Buds 3 və Buds 3 Pro adlı yeni naqilsiz qulaqlıqlarını təqdim etməlidir. İndi isə insayderlər sözügedən yeni naqilsiz qulaqlıqların özəllikləri barəsində məlumatlar veriblər. Beləliklə verilmiş məlumatlara əsasən adi Galaxy Buds 3 modeli birtərəfli səsgücləndiricini əldə edəcək və həcmli səslənməni (360 Audio) dəstəkləyəcək. Qulaqlıqların gövdələri IP67 standartı üzrə sudan qorunma özəlliyinə sahib olacaqlar. Üstəlik Galaxy Buds 3 modeli ətraf səs-küyün aktiv boğulması funksiyasını dəstəkləyəcək. Qulaqlıqlar bir dəfə şarj olunandan sonra şarj keysi ilə birlikdə 24 saat ərzində çalışa biləcəklər. Məlumatlarda qeyd edilib ki, Galaxy Buds 3 modelinin satış qiyməti 140$ təşkil etməlidir.

Galaxy Buds 3 Pro qulaqlıqlarına gəldikdə isə onlar ikitərəfli səsgücləndiricini əldə etməlidirlər. Adi Galaxy Buds 3 kimi Buds 3 Pro da həcmli səslənməni dəstəkləyəcək. Üstəlik Galaxy Buds 3-də olduğu kimi Galaxy Buds 3 Pro qulaqlıqlarının da gövdələri IP67 standartı üzrə sudan qorunma özəlliyinə və ətraf səs-küyün aktiv boğulması funksiyasına sahib olacaqlar. Məlumata əsasən Galaxy Buds 3 Pro modeli Blade Lights adlı funksiyanı əldə edəcək. Lakin bu funksiyanın nə üçün nəzərdə tutulduğu bilinmir. Məlumatlarda Galaxy Buds 3 Pro-nun bir dəfə şarj olunandan sonra nə qədər müddət ərzində çalışacağı qeyd edilməsə də, çox güman ki, o da şarj keysi ilə birlikdə 24 saat çalışa biləcək. Galaxy Buds 3 Pro-nun 230$ qiymətində satışa çıxacağı gözlənilir.

Paylaş

samsung galaxy buds 3

samsung galaxy buds 3 pro

Bənzər xəbərlər