Samsung Galaxy C55 5G smartfonu qlobal bazarda satışa çıxmağa hazırlaşır
Samsung şirkəti bir neçə müddət bundan öncə Çində Galaxy C55 5G smartfonunu təqdim etməklə Galaxy C seriyasını geri qaytardı. İndi isə şirkət onu qlobal bazarda satışa çıxartmağa hazırlaşır. Lakin qlobal bazarda smartfon Galaxy C55 5G adı ilə satılmayacaq. Samsung-un Hindistan üzrə şöbəsinin vermiş olduğu məlumata əsasən Galaxy C55 5G smartfonu qlobal bazarda Galaxy F seriyası altında satılacaq və Galaxy F55 adını əldə edəcək.
Məlumata əsasən Galaxy F55-in təqdimatı may ayında baş tutmalıdır. Galaxy F55 smartfonunun Galaxy C55 5G modelinin qlobal versiyası qismində çıxış edəcəyi üçün smartfonun 6.7 düym Super AMOLED ekranla təchiz olunacağı və Snapdragon 7 Gen 1 prosessoru vasitəsilə çalışacağı gözlənilir. Bununla yanaşı Galaxy F55 modeli özündə 50 MP + 8 MP + 5 MP üçlü arxa kameranı və 45 vatt gücündə sürətli şarj texnologiyalı 5000 mAh enerji tutumlu batareyanı birləşdirməlidir.
Şərhlər
Şərh yazmaq üçün Google və ya Facebook hesabınızla daxil olun.
Şərhlər yüklənir...
