Samsung Galaxy F36-nın xarici görünüşü və bəzi texniki imkanları ortaya çıxıb

     Samsung şirkəti Galaxy F36 adlı yeni orta büdcəli smartfon üzərində çalışır. Məlum olub ki, hazırlanan bu yeni smartfonun xarici görünüşü və bəzi texniki imkanları Google Play Console-da ortaya çıxıb. Beləliklə ortaya çıxmış fotoya əsasən Galaxy F36 smartfonu yastı gövdə dizaynını əldə edəcək. Onun ekranı üzərində damcı formalı çıxıntı hissə, arxa panelində isə oval formalı uzunsov kamera sahəsi yerləşəcək. Kamera sahəsinin daxilində isə 3 ədəd kamera mövcud olacaq. Google Play Console-dakı məlumatlara əsasən Galaxy F36 smartfonu 2340x1080 piksel keyfiyyətli ekranla təchiz olunacaq və Exynos 1380 prosessoru vasitəsilə çalışacaq. Bununla yanaşı smartfon özündə 6 GB RAM-ı birləşdirəcək və qutudan Android 15-i əldə edəcək. Galaxy F36-nın yaxın zamanda təqdim olunacağı gözlənilir.