Samsung Galaxy M15 5G-nin keyfiyyətli render fotoları təqdim edilib

     Evan Blass adlı məşhur insayder Samsung şirkətinin təqdimata hazırlaşan Galaxy M15 5G smartfonunun keyfiyyətli render fotolarını təqdim edib. Təqdim edilmiş render fotolara əsasən sözügedən smartfon bazarda minimum 3 gövdə rəngində satışa çıxacaq. Yaşıl, boz və mavi. İnsayder bildirib ki, Galaxy M15 5G plastik gövdəni əldə edəcək. Bununla yanaşı smartfon özündə üçlü arxa kameranı birləşdirəcək. Galaxy M15 5G-nin 90 Hz-lik təsvir yenilənməsinə sahib AMOLED ekranı və 6000 mAh enerji tutumlu batareyanı əldə edəcəyi gözlənilir. Çox güman ki, smartfon ya Qualcomm ya da MediaTek prosessoru vasitəsilə çalışacaq.