Samsung Galaxy Ring smart üzüyü təqdim edilib - QİYMƏTİ
Cihazlar+
10.07.2024
Emil Nəcəfov
Samsung şirkətinin keçirtmiş olduğu Galaxy Unpacked 2024 tədbiri çərçivəsində ən çox gözlənilən cihazlardan biri olan Galaxy Ring smart üzüyü təqdim olunub. Şirkət sonunda bu yeni cihaz barəsində ətraflı məlumatları təqdim edib. Beləliklə Galaxy Ring smart üzüyü ABŞ şkalası üzrə 5-dən 13-ə kimi müxtəlif ölçülərdə və gövdə rənglərində (qara, gümüşü, qızılı) təqdim edilib. Smart üzüyün gövdəsi 5-ci sinif titan ərintisindən hazırlanıb. Bütün elektronika ilə sensorlar smart üzüyün daxilində yerləşirlər. Galaxy Ring-in gövdəsi IP68 standartı üzrə sudan qorunma özəlliyinə sahibdir və üstəlik 10 atmosfer təzyiqinə dözür.
Smart üzük Bluetooth LE 5.4 üzərindən smartfona qoşulur. Qeyd etmək lazımdır ki, smart üzük yalnız Samsung smartfonları ilə çalışır və bunun üçün smartfon minimum Android 11 və ya ondan sonrakı Android versiyalarından birinə sahib olmalıdır. Bundan əlavə olaraq Samsung istifadəçi hesabı və Samsung Health tətbiqi lazım olacaq. Galaxy Ring istifadəçi səhhətinin müxtəlif göstəricilərini ölçə bilir. Buna misal olaraq ürək döyüntülərinin tezliklərini, dəri temperaturunu və yuxu keyfiyyətini gətirmək olar. Üstəlik bu smart üzük vasitəsilə smartfonun bəzi funksiyalarını idarə etmək olar.
Üzük baş barmağa taxıldığı halda böyük barmaq vasitəsilə ona klikləməklə smartfondakı bəzi funksiyaları işə salmaq olar. Bu üsul ilə smartfon kamerası üzərindən foto çəkmək və ya smartfondakı zəngli saatı deaktiv etmək mümkündür. Smart üzüyün bir dəfə şarj olunandan sonra nə qədər müddət ərzində çalışacağı onun ölçüsündən asılıdır. 5-dən 11-ə kimi ölçülərə sahib model 6 gün ərzində 12 və 13 ölçülü model isə 7 gün ərzində çalışır. Şarj prosesi isə xüsusi keys sayəsində reallaşdırılır. Şarj keysinin öz batareya həcmi 361 mAh təşkil edir. Bu isə smart üzüyün 20 dəfə şarj olunması üçün kifayətdir. Galaxy Ring 24 iyul tarixində satışa çıxacaq və onun qiyməti 399$-dan start götürəcək.
Linki kopyala
Bənzər xəbərlər
Oxşar xəbərlər
Samsung Galaxy Z Fold 6 və Z Flip 6 təqdim olunub - QİYMƏTİ
Samsung Galaxy Z Fold 6 və Z Flip 6 təqdim olunub - QİYMƏTİ
Samsung şirkəti Parisdə keçirilmiş Galaxy Unpacked 2024 tədbiri çərçivəsində yeni qatlana bilən smartfonlarını təqdim edib. Söhbət, Galaxy Z Fold 6 və Z Flip 6-dan gedir.
Samsung ikinci nəsil Galaxy Ring-i artıq patentləşdirib
Samsung ikinci nəsil Galaxy Ring-i artıq patentləşdirib
Samsung şirkətinin 10 iyul tarixində baş tutacaq Galaxy Unpacked tədbiri çərçivəsində Galaxy Ring adlı smart üzüyün təqdim olunacağı gözlənilir.
Samsung Galaxy Z Fold 6-nın daha geniş və nazik gövdəli versiyasını hazırlayır
Samsung Galaxy Z Fold 6-nın daha geniş və nazik gövdəli versiyasını hazırlayır
Son zamanlarda ortaya çıxmış məlumata əsasən Samsung şirkəti 10 iyul tarixində təqdim olunacaq qatlana bilən Galaxy Z Fold 6 smartfonunun daha geniş və nazik gövdəyə sahib versiyası üzərində çalışır.
Təqdimata sayılı günlər qalmış Samsung Galaxy Watch 7 və Galaxy Watch Ultra-nın yeni fotoları təqdim edilib
Təqdimata sayılı günlər qalmış Samsung Galaxy Watch 7 və Galaxy Watch Ultra-nın yeni fotoları təqdim edilib
Samsung-un təqdimata hazırlaşan Galaxy Watch 7 və Galaxy Watch Ultra smart saatlarının Çinin TAF adlı tənzimləyici orqanında qeydiyyatdan keçdikləri məlum olub.
Gələn il Samsung Galaxy S25+ smartfonunun təqdim olunacağıan dair sübut aşkar edilib
Gələn il Samsung Galaxy S25+ smartfonunun təqdim olunacağıan dair sübut aşkar edilib
Bir neçə gün bundan öncə məlumat ortaya çıxdı ki, Samsung şirkəti gələn ilin əvvəlində təqdim olunacaq Galaxy S25 smartfon seriyasında Galaxy S25+ modelini təqdim etməyəcək və seriya yalnız iki smartfondan təşkil ediləcək.
Həftənin xəbərləri
