Samsung Galaxy S25 Edge-in gövdə qalınlığı, çəkisi və satış qiyməti açıqlanıb

     Son məlumat sızıntılarına inansaq, Samsung yanvar ayının sonunda Galaxy S25 smartfonlarından əlavə anons olunmuş nazik gövdəli Galaxy S25 Edge modelinin təqdimatını yaxın müddətdə keçirəcək. Qeyd etmək lazımdır ki, yanvar ayının sonunda şirkət Galaxy S25 Edge modelini anons edərkən onun özəllikləri barəsində heç bir məlumat vermədi. Üstəlik şirkət artıq geridə qalmış MWC 2025 sərgisi çərçivəsində də bu smartfonun xarici görünüşünü bir daha sərgilədi.

     İndi isə Ice Universe ləqəbli məşhur insayder Galaxy S25 Edge modeli barəsində yeni təfərrüatları təqdim edib. İnsayder bildirib ki, o, Galaxy S25 Edge modelinin gövdə qalınlığı və çəkisi barəsində dəqiq məlumatlara sahibdir. Beləliklə insayderin sözlərinə əsasən sözügedən smartfonun gövdə qalınlığı 5.84 sm, çəkisi isə 162 qramm təşkil edəcək. Bundan əlavə olaraq insayder əlavə edib ki, Galaxy S25 Edge modelinin satış qiyməti Galaxy S25+ modelinin satış qiyməti ilə eyni səviyyədə olacaq. Yəni smartfonun qiyməti 1000$-dan start götürəcək. Galaxy S25 Edge artıq gələn ayın ortasında təqdim oluna bilər.

Mənbə: Ice Universe

Bənzər xəbərlər

Cihazlar+

Huawei və Xiaomi taxıla bilən cihazlar bazarının yarısını idarə edirlər

Canalys analitik şirkəti 2024-cü il üzrə taxıla bilən ağıllı cihazların tədarükü ilə bağlı hesabatını yayımlayıb. 2023-cü illə müqayisədə bu bazar 4.1% böyüyərək 193 milyon qurğuya çatıb.

Cihazlar+

Samsung qatlanma izinə sahib olmayan qatlana bilən smartfon prototipini sərgiləyib

Samsung MWC 2025 sərgisində yeni qatlana bilən smartfon prototipini təqdim edib. Onun əsas xüsusiyyəti isə ekrandakı qatlanma izinin demək olar ki, görünməz olmasıdır.

Cihazlar+

Samsung genişləndirilmiş reallıq (XR) cihazının bu il ərzində təqdim olunacağını təsdiqləyib

Samsung MWC 2025 sərgisində Google ilə birgə hazırladığı genişləndirilmiş reallıq (XR) cihazı - Project Moohan-ı sərgiləyib. Bu cihaz ötən il satışa çıxarılan və 3500$ dəyərində olan Apple Vision Pro-ya alternativ kimi nəzərdə tutulub.

Cihazlar+

Samsung qatlana bilən portativ oyun konsolu prototipini sərgiləyib

MWC 2025 sərgisində Samsung Display "Flex Gaming" konseptini təqdim edib - bu, 7.2 düym ölçülü qatlana bilən OLED ekranlı portativ oyun konsoludur.

Elm & Texnologiya

Samsung 5000 nit parlaqlıq səviyyəsinə sahib OLED ekranını təqdim edib

Samsung, MWC 2025 sərgisi çərçivəsində smartfonlar, smart saatlar və noutbuklar üçün nəzərdə tutulmuş 5000 nit pik parlaqlığa malik yeni OLED ekranını təqdim edib.