Samsung Galaxy Tab Active 5 planşeti təqdim edilib

     Samsung şirkəti Galaxy Xcover 7-dən əlavə olaraq dözümlü gövdəyə sahib daha bir cihazını təqdim edib. Söhbət, Galaxy Tab Active 5 planşetindən gedir. Beləliklə Galaxy Tab Active 5 planşetinin gövdəsi də Galaxy Xcover 7-də olduğu kimi IP68 standartı üzrə sudan qorunur və zərbələrə dözümlülük mövzusunda MIL-STD-810H hərbi standartının tələblərinə cavab verir. Lakin Galaxy Xcover 7-dən fərqli olaraq planşetin ekranı Gorilla Glass 5 qoruyucu şüşəsi ilə əhatə olunub. Planşet 120 Hz-lik təsvir yenilənməsinə sahib 1920x1200 piksel keyfiyyətli 8 düym ekranla təchiz olunub və Exynos 1380 prosessoru vasitəsilə çalışır. Galaxy Tab Active 5 həmçinin 6/8 GB RAM-a, 128/256 GB daxili yaddaş həcminə (microSD dəstəkli), 13 MP-lik arxa kameraya, 5 MP-lik ön kameraya və 5050 mAh enerji tutumlu batareyaya sahibdir. Planşetin bu ay ərzində satışa çıxacağı gözlənilir. Onun satış qiyməti barəsində məlumat verilməyib.