Samsung Galaxy Tab S10 Lite 5G-nin fotosu və bəzi texniki imkanları ortaya çıxıb

     Samsung şirkəti Galaxy Tab S10 Lite 5G adlı yeni planşetini təqdim etməyə hazırlaşır. İndi isə məlum olub ki, sözügedən planşet Google Play Console-da ortaya çıxıb. Nəticədə planşetin fotosu və bəzi texniki imkanları yayılıb. Beləliklə Google Play Console-dakı məlumatlara əsasən Samsung-un bu yeni planşeti 2112x1320 piksel keyfiyyətli ekranla təchiz olunacaq və Samsung s5e8835 kod adlı prosessor vasitəsilə çalışacaq. Bu kod adı öz növbəsində Exynos 1380 prosessoruna işarə edir. Bundan əlavə olaraq planşet 6 GB RAM-ı əldə edəcək və özündə 45 vatt gücündə sürətli şarj texnologiyalı 8000 mAh enerji tutumlu batareyanı birləşdirəcək. Planşet qutudan Android 15-ə sahib olacaq. Planşetin Google Play Console-da ortaya çıxması onun yaxın zamanda təqdim olunacağına işarə edir.