Samsung Galaxy Tab S11 Ultra planşetinin ilk render fotosu təqdim edilib

     Evan Blass adlı məşhur insayder hələ təqdim olunmamış Samsung Galaxy Tab S11 Ultra planşetinin ilk render fotosunu təqdim edib. Təqdim edilmiş fotoda planşetin həm ön paneli həm də arxa paneli əks olunub. Render fotodan da görmək olar ki, Samsung Galaxy Tab S11 Ultra planşeti xarici görünüş baxımından keçən ilki Samsung Galaxy Tab S10 Ultra-dan heç də fərqlənməyəcək. Fotoda həmçinin S Pen stilusunu görmək olar. Bu isə yeni planşetin özündə bu stilusun dəstəyini qoruyub saxlayacağını təsdiqləyir. Planşetin arxa panelində iki ədəd kamera yerləşəcək. Samsung Galaxy Tab S11 Ultra-nın texniki imkanları barəsində dəqiq bir məlumat yoxdur. Lakin güman edilir ki, planşet 14.6 düym ölçülü ekranı özündə qoruyub saxlayacaq. Planşetin payız fəslində təqdim olunacağı gözlənilir.