Samsung Galaxy Tab S6 Lite planşetinin davamçısını təqdim etməyə hazırlaşır

     Samsung şirkəti yaxın zamanda öz yeni planşetini təqdim edəcək. Belə ki, şirkətin SM-P620 model nömrəsinə sahib yeni planşeti Geekbench testlərindən keçib. Güman olunur ki, sözügedən yeni planşet 2022-c ildə satışa çıxmış büdcəli Galaxy Tab S6 Lite planşetinin davamçısıdır. Geekbench sayəsində məlum olub ki, Galaxy Tab S6 Lite davamçısı Exynos 1280 prosessoru vasitəsilə çalışacaq və özündə 4 GB RAM-ı birləşdirəcək. Üstəlik planşet Android 14 əməliyyat sisteminə sahib olacaq. Samsung- un bu yeni planşeti Geekbench-in bir nüvəli testi çərçivəsində 930 xal, çox nüvəli testi çərçivəsində isə 1843 xal toplayıb.