Samsung Galaxy Watch 7 smart saatları tamamilə yeni prosessor vasitəsilə çalışacaqlar
Cihazlar+
15.05.2024
Emil
Samsung şirkəti bu il Galaxy Watch 7 smart saat seriyasını təqdim etməlidir. Bəzi məlumatlara əsasən şirkətin bu yeni smart saat seriyasına 3 model daxil olacaq. Galaxy Watch 7, Watch 7 Classic və Watch 7 Ultra. İndi isə bu smart saatların tamamilə yeni prosessor vasitəsilə çalışacaqları məlum olub. Beləliklə verilmiş məlumata əsasən Samsung-un Galaxy Watch 7 smart saatları Exynos W1000 adlı yeni prosessor vasitəsilə çalışacaqlar.
Məlumatda qeyd edilib ki, Samsung-un bu yeni prosessoru 3 nanometrlik texnoloji proses əsasında hazırlanıb. Müqayisə üçün qeyd etmək lazımdır ki, hal hazırda aktual olan Galaxy Watch 6 smart saatları 5 nanometrlik Exynos W930 prosessoru vasitəsilə çalışırlar. Məlumata əsasən Exynos W1000 prosessoru Galaxy Watch 7 smart saatlarında daha yaxşı performansı və 20% daha yaxşı enerji effektivliyini təmin edəcək. Bu səbəbdən də yeni smart saatların bir dəfə şarj olunduqdan sonra daha uzun müddət ərzində çalışa biləcəkləri gözlənilir.
Paylaş
Ən çox oxunanlar
Süni zəka əsaslı çat-botlar cinayətkarların alətlərinə çevrilirlər
