Samsung Galaxy Watch 7 və Watch FE smart saatları sertifikatlaşdırmadan keçiblər

     Son məlumat sızıntılarına əsasən Samsung şirkəti növbəti Galaxy Unpacked tədbirini yay fəslində keçirəcək. Tədbirin iyul ayında baş tutacağı gözlənilir. Sözügedən tədbirdə şirkət yeni qatlana bilən smartfonları olacaq Galaxy Z Fold 6 ilə Z Flip 6-nı təqdim etməlidir. Lakin bu smartfonlardan əlavə olaraq Samsung həmçinin növbəti Galaxy Watch 7 smart saatlarını da təqdim edə bilər. Bəzi məlumatlara əsasən təqdim olunacaq Galaxy Watch 7 smart saat seriyasına 3 model daxil olacaq. Galaxy Watch 7, Watch 7 Classic və Watch 7 Pro. Üstəlik Samsung-un Galaxy Watch FE smart saatı üzərində çalışdığı da iddia olunur.

     Məlum olub ki, Samsung-un yeni smart saatları ABŞ Federal Rabitə Komissiyasında (FCC) sertifikatlaşdırmadan keçiblər. Məlumata əsasən FCC-də sertifikasiya qeydiyyatından Samsung-un SM-L300, SM-L305, SM-L310, SM-L315 və SM-R861 model nömrələrinə sahib smart saatları keçiblər. SM-L300 və SM-L310 model nömrələrinə sahib smart saatları çox güman ki, Galaxy Watch 7-nin 40 və 44 mm gövdə ölçülərinə sahib Wi-Fi dəstəkli versiyalarını, SM-L305 və SM-L315 model nömrələrinə sahib smart saatları isə Galaxy Watch 7-nin həmin gövdə ölçülərinə sahib LTE dəstəkli versiyalarını əhatə edirlər.

     FCC-nin məlumatlar bazasına əsasən SM-L305 model nömrəsinə sahib smart saat 15 vatt gücündə sürətli şarj texnologiyasını dəstəkləyəcək. Müqayisə üçün qeyd etmək lazımdır ki, Galaxy Watch 5 və Watch 6 smart saat modelleri 10 vatt gücündə sürətli şarj texnologiyasını dəstəkləyirlər. SM-R861 model nömrəsinə gəldikdə isə çox güman ki, o, Galaxy Watch FE-yə aiddir. Zamanında Galaxy Watch 4 smart saatı SM-R860 model nömrəsinə sahib idi. Galaxy Watch FE barəsində son məlumat sızıntılarına əsasən isə Galaxy Watch FE modeli texniki göstəriciləri baxımından məhz Galaxy Watch 4-ə bənzəyəcək. Məlumata əsasən Galaxy Watch FE 5 vatt gücündə sürətli şarj texnologiyasını dəstəkləyəcək.

Bənzər xəbərlər

Cihazlar+

Samsung Galaxy M35-in yeni render fotoları təqdim edilib

Hələ təqdim olunmamış Samsung Galaxy M35 smartfonu iki gün bundan öncə Google Play Console servisində ortaya çıxdı.

Proqram Təminatı

Samsung Galaxy A33 və A73 smartfonları OneUI 6.1-i əldə etməyə başlayıblar

Samsung öz smartfonlarında OneUI 6.1 istifadəçi interfeysini istifadəyə verməyə davam edir. Şirkət bir neçə müddət bundan öncə bu istifadəçi interfeysinin öz flaqman cihazlarında istifadəyə verilməsinə köklənmişdi.

Cihazlar+

Samsung Galaxy Watch FE smart saatı barəsində yeni təfərrüatlar verilib

Samsung şirkəti bu il ərzində Galaxy Watch 7 smart saat seriyasını təqdim edəcək. Bu smart saat seriyasının yay fəslində təqdim olunacağı gözlənilir. Lakin son zamanlarda ortaya çıxmış müxtəlif məlumatlara əsasən Galaxy Watch 7 smart saatları Samsung-un bu il üçün nəzərdə tutulmuş yeganə smart saatları olmayacaq.

Cihazlar+

Samsung Galaxy S24 FE-nin hazırlandığına dair daha bir sübut əldə edilib

Son məlumat sızıntılarına əsasən Samsung şirkəti Galaxy S24 smartfon seriyasının FE (Fan Edition) modeli üzərində çalışır.

Digər

Samsung şirkəti, Apple-ın iPad reklamını ələ salıb! (VİDEO)

Apple-ın M4 çipilə təchiz edilmiş iPad Pro üçün yaxın zamanda yayımlanan və istifadəçilərin reaksiyasına səbəb olan "Crush" reklamı Samsung-un zarafat mövzusuna çevrilib. Samsung öz paylaşdığı reklam çarxında Apple-ın iPad reklamını ələ salıb.