Samsung Galaxy Z Fold 6 daha geniş xarici ekranı əldə edə bilər

     Samsung şirkəti yay fəslində yeni qatlana bilən smartfonlarını təqdim etməlidir. Söhbət, Galaxy Z Fold 6 ilə Z Flip 6-dan gedir. Son məlumat sızıntılarına əsasən Galaxy Z Fold 6 smartfonu iti künc hissələrə sahib daha geniş xarici ekranı əldə edəcək. İndi isə bu məlumat öz təsdiqini tapıb. Belə ki, Ice Universe ləqəbli məşhur insayder kənar istehsalçı tərəfindən Galaxy Z Fold 6-nın xarici ekranı üçün istehsal edilmiş qoruyucu örtüyün fotosunu təqdim edib. Təqdim edilmiş fotodan da görmək olar ki, ekran qoruyucusu iti künc hissələrə sahibdir.

     İnsayder bildirib ki, Galaxy Z Fold 6-nın xarici ekranı 60.2 mm-lik enə sahib olacaq. Müqayisə üçün qeyd etmək lazımdır ki, keçən il təqdim edilmiş Galaxy Z Fold 5-in xarici ekranının eni isə 57.4 mm təşkil edir. Bununla yanaşı qoruyucu örtüyün fotosuna əsasən Samsung-un yeni qatlana bilən smartfonunun ekranı hər tərəfdən nazik ekran çərçivəni əldə edəcək. Qeyd etmək lazımdır ki, son məlumatlara əsasən Samsung öz yeni qatlana bilən smartfonlarını iyul ayında baş tutacaq növbəti Galaxy Unpacked 2024 tədbirində təqdim edəcək.

Bənzər xəbərlər

Cihazlar+

Samsung Galaxy F55 smartfonunun təqdimatı anons edilib

Bir neçə həftə ərzində olmuş müxtəlif məlumat sızıntılarından sonra Samsung şirkəti Galaxy F55 smartfonunun təqdimatını anons edib.

Digər

Samsung Galaxy S24 Ultra ən çox satılan Android smartfon olub!

Samsung Galaxy S24 Ultra 2024-cü ilin birinci rübündə ən çox satılan Android smartfon olub. Bütün smartfon modellərinə baxdığımızda isə iPhone 15 Pro Max-ın hələ də zirvədə olduğunu görürük.

Elm & Texnologiya

Samsung Exynos prosessorlarında AMD-nin qrafik çipindən imtina edə bilər

Uzun illər ərzində öz Exynos prosessorlarının aşağı keyfiyyətdə olmaları səbəbilə çoxlu sayda tənqidə məruz qalmış Samsung şirkəti vəziyyəti düzəltmək yolunda irəliləyir.

Sosial Media

Smartfonlar haqqında sızıntı məlumatları ilə tanınan məşhur X istifadəçisi Galaxy S24 Ultra smartfonuna görə, Samsung şirkətini fırıldaqçılıqda günahlandırır!

Sektorunda sızıntı məlumatları ilə tanınan bir X istifadəçisi Samsung Galaxy S24 Ultra-nın bir çox problemi olduğunu bildirərək şirkətin aldadıcı reklam etdiyi iddiası ilə ittiham edib.

Cihazlar+

Samsung G60SD adlı yeni gaming monitoru təqdim edilib - QİYMƏTİ

Samsung öz yeni gaming monitorunu təqdim edib. Şirkətin təqdim etmiş olduğu yeni gaming monitor Samsung G60SD adlanır.