Samsung Galaxy Z Trifold ABŞ-də satışa çıxır

    Technote.az “Engadget” platformasına istinadən bildirir ki, Samsung ABŞ bazarında ən qeyri-adi qatlanan smartfonlarından biri olan Galaxy Z Trifold modelini rəsmi olaraq satışa çıxarmağa hazırlaşır. Üçqat ekran dizaynına malik bu nəhəng qatlanan telefon 30 yanvar tarixindən etibarən ABŞ-də satışda olacaq.

    Galaxy Z Trifold ötən ilin sonunda təqdim edilsə də, o zaman ABŞ üçün qiymət açıqlanmamışdı. İndi isə məlum olub ki, cihazın qiyməti 2 900 dollar təşkil edir. Bu məbləğ hətta premium seqment üçün belə kifayət qədər yüksək hesab olunur.

Yüksək qiymətinə baxmayaraq, Galaxy Z Trifold texnoloji baxımdan böyük maraq doğurur. Üçqat qatlanan incə ekranı sayəsində cihaz həm smartfon, həm də planşet funksiyasını eyni anda yerinə yetirə bilir. Hazırda ABŞ bazarında Galaxy Z Trifold yalnız 512 GB daxili yaddaş variantında və qara rəngdə satışa çıxarılacaq. Ekspertlər hesab edir ki, bu cür innovativ dizaynların istehsalı zamanla ucuzlaşarsa, gələcəkdə qiymətlər daha əlçatan səviyyəyə düşə bilər.