Samsung ikinci nəsil Galaxy Ring-i artıq patentləşdirib

     Samsung şirkətinin 10 iyul tarixində baş tutacaq Galaxy Unpacked tədbiri çərçivəsində Galaxy Ring adlı smart üzüyün təqdim olunacağı gözlənilir. Bu smart üzük taxıla bilən cihazlar bazarında Samsung-un yeni iddialı məhsulu olmalıdır. Lakin bununla belə şirkətin ortaya çıxmış yeni patent sorğusunda ikinci nəsil Galaxy Ring-in artıq hazırlandığına dair sübutlar ola bilər. Qeyd etmək lazımdır ki, Samsung öz smart üzüyünü hələ yanvar ayında Galaxy S24 smartfon seriyasının təqdimatı çərçivəsində anons etmiş və fevral ayının sonunda start götürmüş MWC 2024 sərgisi çərçivəsində onun xarici görünüşünü sərgiləmişdi. Biz artıq bilirik ki, Galaxy Ring ənənəvi dairəvi forma dizaynını əldə edib və istifadəçi səhhətinin müxtəlif göstəricilərinin ölçülməsi üçün nəzərdə tutulmuş sensorlar üzüyün daxili və xarici layları arasında yerləşirlər.

     Görünür şirkət ikinci nəsil Galaxy Ring-in hazırlanması istiqamətində artıq ilk addımları atmağa başlayıb. Bir neçə müddət bundan öncə ortaya çıxmış patent sorğusunda əks olunmuş fotolara əsasən ikinci nəsil Galaxy Ring xarici tərəfdən bir qədər qalın hissəyə sahib olacaq. Bununla yanaşı onun daxili hissəsi dəyişilməz olaraq dairəvi qalacaq. Bu cür dizayn sayəsində smart üzük daha dekorativ görünür. Xarici tərəfin daha qalın olan hissəsi isə smart üzüyə daha böyük həcmli batareyanı və əlavə sensorları quraşdırmağa imkan verə bilər. Digər tərəfdən qalın hissəyə kiçik ölçülü ekranın quraşdırılması da istisna deyil. İkinci nəsil Galaxy Ring-in nə zaman təqdim olunacağı bilinmir.

Bənzər xəbərlər

Cihazlar+

Samsung Galaxy Z Fold 6-nın daha geniş və nazik gövdəli versiyasını hazırlayır

Son zamanlarda ortaya çıxmış məlumata əsasən Samsung şirkəti 10 iyul tarixində təqdim olunacaq qatlana bilən Galaxy Z Fold 6 smartfonunun daha geniş və nazik gövdəyə sahib versiyası üzərində çalışır.

Cihazlar+

Təqdimata sayılı günlər qalmış Samsung Galaxy Watch 7 və Galaxy Watch Ultra-nın yeni fotoları təqdim edilib

Samsung-un təqdimata hazırlaşan Galaxy Watch 7 və Galaxy Watch Ultra smart saatlarının Çinin TAF adlı tənzimləyici orqanında qeydiyyatdan keçdikləri məlum olub.

Cihazlar+

Gələn il Samsung Galaxy S25+ smartfonunun təqdim olunacağıan dair sübut aşkar edilib

Bir neçə gün bundan öncə məlumat ortaya çıxdı ki, Samsung şirkəti gələn ilin əvvəlində təqdim olunacaq Galaxy S25 smartfon seriyasında Galaxy S25+ modelini təqdim etməyəcək və seriya yalnız iki smartfondan təşkil ediləcək.

Cihazlar+

Samsung Galaxy Buds 3 Pro naqilsiz qulaqlığının real fotoları təqdim edilib

Samsung şirkətinin təqdim etməyə hazırlaşdığı yeni məhsulları barəsində məlumatlar ortaya çıxmağa davam edirlər.

Elm & Texnologiya

Samsung uzana bilən elastiki ekranı patentləşdirib

Samsung şirkəti Çində uzana bilən elastiki ekranı patentləşdirib. Patent sənədlərindəki məlumata əsasən bu cür ekrana həmçinin ayrıca fiziki klaviaturanı da qoşmaq mümkündür.