Sony PS5 Pro-da oyun qrafikasını təkmilləşdirən yeni PSSR yeniləməsini yayımladı

    Technote.az “The Verge” platformasına istinadən bildirir ki, Sony şirkəti PlayStation Spectral Super Resolution (PSSR) texnologiyasını PS5 Pro üçün yeniləyir. Yeniləmə ilə Cyberpunk 2077, Final Fantasy VII Rebirth, Silent Hill 2 və digər bir sıra oyunlarda qrafik keyfiyyəti daha da artırılacaq. Digital Foundry-nin testlərinə görə, yeni “upscaler” oyunda titrəmə, parıltı və digər vizual problemləri aradan qaldıraraq daha kəskin və sabit qrafika təqdim edir.

    Bu yenilənmə AMD və Sony-nin birgə “Project Amethyst” layihəsi çərçivəsində hazırlanıb. Yeni PSSR PS5 sistem proqramının son yeniləməsi ilə istifadəçilərə təqdim olunacaq və mərhələli olaraq 17 mart tarixindən etibarən aktivləşdiriləcək. Sony qeyd edir ki, bu təkmilləşdirmə həmçinin AMD-nin gələcək FSR yeniləmələrinə də müsbət təsir göstərəcək.

    Yenilənmiş PSSR texnologiyasını ilk dəfə Resident Evil Requiem oyununda fevral ayında gördük. Bu texnologiya ilə aşağıdakı oyunlar da dəstəklənəcək:
    •    Dragon Age: The Veilguard
    •    Alan Wake 2
    •    Control
    •    Senua’s Saga: Hellblade II
    •    Nioh 3
    •    Monster Hunter Wilds
    •    Dragon’s Dogma 2

     Əlavə olaraq Assassin’s Creed Shadows və Cyberpunk 2077 oyunlarına da yaxın həftələrdə PSSR yeniləməsi gələcək, CrimsonDesert isə 19 mart tarixində oyun çıxan kimi bu texnologiyadan istifadə edəcək. PS5 Pro oyunlarında PSSR texnologiyasını dəstəkləyən digər oyunlarda isə bu funksiyanı istəyə bağlı olaraq aktivləşdirmək mümkündür, lakin nəticələr oyundan oyuna fərqli ola bilər.